أمس عرفت شي ما كنت اعرفه من قبل..أن طوال حياتي ما احد أهداني هدية قيمة

من الجنس الأخر :| كل الهدايا اللي جاتني من النساء..ما قد أبوي أهداني هدية ولا عمي

ولا خالي ولا حتى اخوي..مع إني قد هديتهم بالعيد وقد و قد بالمناسبات

خاصة فيهم بس هم أعطوني فلوس وأمس عرفت أنها يحسبونها هدايا

بس لاااااااااا إحنا هالشي ما نعتبره هدية :cry:

أمس اخوي العود زارنا بالبيت وكان مسافر قبل.توقعت مثل أي شخص يسافر لبلد

ويطول لمدة شهر وأكثر ان يجيب هدايا للأشخاص اللي يحبهم..لكن للأسف خاب ظني كنت أقول

الحين يقول نزلوا الإغراض اللي بالسيارة..ولا الهدية صغيرونه حاطه بجيبه..والساعة

بعد الساعة أيقنت انه مافي أمل فيه رجعت لغرفتي وكل علامات الخيبة مرسومة بوجهي :|

بعد الساعة دخلت زوجته علي ومعها كيس كبيرة قلت بداخلي والله ظلمته وقبل ما تتكلم قلت قبلها

مشكووورين تعبتوا نفسكم :) هي سكتت وخفت ليكون الكيس خاص فيها بس قالت لي أنا اللي

جبتها لكم قلت لها يعني مو أنتي واخوي ضحكت وقالت اييه بس ما صدقتها..قلت بخاطري

يالله يكفي رجوعه بسلامة رجعت للصالة وهي موجودة بغرفتي إلا اخوي يناديني قلت له هلا

كان يدخل يده لجيبه و يمدها لي ويعطيني فلوس اشتري إلا تبينه والابتسامة مرسومة ع شفتيه

قلت له أنت ليه ما اشترتيلي..!! قال مااعرفت وش تحبيين قلت أعطيكم فلوس احسن 8O

وقتها انصدمت منه معقولة اخوي ما يعرف يشتري هدية لي..ليه هم يحسبون أننا نفرح لما يعطونا

فلوس أكثر من الهدايا..لا حتى لو كانت الهدايا بسيطة وخاصة معروف ان اغلب سعوديين

ذوقهم موش ولابد بالهدايا 8) لكن والله تفرحنا أكثر من الفلوس..كان ودي وقتها لو ما كان

هو أخوي العود أسوي مثل الممثلات المصريات ارمي الفلوس عليه وأقوله فلوسك ماتزلمنيش :(

كنت احسب قبل ان احكي للبنات ان بس اخوي ما قد أهداني بحياتي هدية لكن تفاجئت ان اغلب

البنات ما قد إخوانهم أهدوا للهم هدايا والبعض منهم يقلون لي احمدي ربك لا هدايا ولا فلوس :|

بهالبوست أبعلم الأشخاص اللي مثل أخوي اللي ما يعرفون يشترون هدايا لأخواتهم اللي ما يعرفون

ان إحنا البنات طبيعتنا نقدر شي اسمه هدايا :oops:

1/ضروري تعبر مشاعرك لأختك بالفعل عندك راتب والله رزقك لازم تعطيها شي ماينفع بس بالكلام

استغل الأوقات راتبك زائد سافرت لمدة شهر عيد ميلادها نجحت ولو رسبت ولا مو لازم مناسبه :?

وانت راجع للبيت قول لها اشتهيت اشتريلك هالشي شفته بطريقي لازم تهديها بالمناسبات

ما ينفع بس بالكلام ولا كان ما خلقوا شي اسمه هدايا :x

2/انسى شي اسمه تعطي لأختك فلوس إلا لما تحس ان هي بحاجتها ولا طلبت منك

بس لما تحس أنها مو محتاجه وراجع من السفر ولا مسوية عيد ميلادهاولا حفلة نجاحها

وهي مستانسه مسويه حفلة و تجي أنت وتمد لها فلوس عييييييب والله عيببببب :roll:

3/لا تقولون مانعرف نشتري لاخوانتا شوفوا وش اهتماماتها وخاصة ان كنت معها بالبيت

مرره عجزت ما عرفت اقل شي روح للمحل وقول له أبشتري هدية لأختي ومحتار وش اختار لها وخاصة محلات

الماركات العادة يعرفون أذواقنا ماتبي تفشل نفسك وتسأله أقل شي اتصل عليها وقول لها

ابشتريلك هدية وش رأيك وش اشتريلك أكيد وقتها هي تطلب منك شي رخيص لان مجرد ما تفكر

بأن أخوها فكر يشتري هدية لها هذا بحد ذاته تنبسط عليه

4/عندي صندوق أحب احتفظ فيها بالهدايا نفسي يوم افتح هالصندوق وأشوف شي وأقول

هالهدية من اخوي ولا من عمي لما صار كذا وكذا الفلوس انصرفت يعني الفلوس اللي إعطاني

إياه اخوي أرسلت سواقنا اليوم الثاني خليته يشترلنا مو كان أفضل انه عطاني هدية استفيد

منها وأتذكره وتذكر ان أختك أكيد مثلي

ومتى آخره مره أهداكِ أخوكِ هدية و الأهم متى آخر مره أهديت لأختك هدية :)؟؟

كالعادة أحس إني آخر وحده بعالم المدونات احل الواجبات وقاتل الله الكسل :| هالواجب السرار الستة

مرر لي من مدونات غاليات علي بشورة و Butterfly

الشروط أكيد كلكم تعرفونها أبحله ع علطول :P

1/أنا راسبة:| خخخخخخ اول ماعرفت نتيجة قعت اضحك لاني أول مره بحياتي أحس بـ هالشعور

وأول مره بحياتي اسمع كلمة مبروك ناقصة متعودة ان احد سألني بنهاية كل سنة ولا ترم.

أقولهم الحمد الله ناجحة بس هالأيام اقولهم ناجحة إلا بالمادة و جد شعور موو حلو أبدا :|

2/اكررره ماعلى قلبي وحده بالسوق ولا بمكان عام تجي تنط من مكانها وسلم علي 8O وخاصة إني فضيحة

بضحكتي..يعني لابسة عباية ونقاب وش تبين سلميين علي..بييتنا وتعرفينه..لو بالشاليهات ولا مكان بعيدا حياك

لكن بالسوق ومطعم ويا كثر ما أسوي للعانة وأقولهم ميين اشككهم بنفسهم.وأنكر إني ليان :P

3/ عندي هووس لمناكير مع إني ما اعرف للميك اب ولا اهتم فيه وهالشي الوحيد اللي اعرفه و أتفنن فيه

اخذ لون واحطه مع لون الثاني ويطلع لي لون جديد بدرجاته مستحيل القى وحده حاطه مثلي >> خخخ فاضيه :)

4/هالايام مشغولة وحوووسة :?ابسوي مدونة خاصه واهديها مع الهدية لاختي ميشو بمناسبة

تخرجها من الثانوية وقبولها ان شاء الله ع طب وشجعها انها تكتب :oops:

ولو حتى تقدم دروس تقوية بالريضيات :P وأنا بضل بهالمكان

5/في أشخاص يحبوون ينامون للساعات طويلة إما أنا ما أنام إلا إذا كنت مرره :|

حتى لو نمت طبيعتي يكفي أربعه ساعات ولو نمت أكثر يكون نوم دلع عندي رغبة بداخلي أعيش

كل الساعة بعمري بهالحياء قبل ما ارحل عنها :roll:

5/مدمنة بيبسي امووووت عليه عجزت اتركه واسمع كلام أهلي واشرب عصير طازج بداله :(

البيبسي أمي يا حبي لها تعتبره من المحرمات لبيتنا ..ولي مدة طويلة أدخله لبيتنا.

بكل طرق المشروعة والغير مشروعة :P أعطي سواقنا أحيانا خمسين ريالا بس عشان يجيب لي ولأخواتي

ويحطهم بالسلة إلا مربوطة بحبل بين غرفتي والحوش من ناحية غرفته واقعد اسحبه لما يوصل لي :P

وأكثر من مره تسولف أمي يا حبي لها مع خالاتي ولا احد تنصحهم ان عيالهم مايشربون بيبسي وتكون حاطه

رجل على الرجل (مثل النساء الحجازيات) وتقولهم (أنا الحمد الله لي سنة مانعه

البيبسي عن بناتي وخاصة بنتي ليان كانت باليوم تشرب منه علبتين بس كبرت ووعيتها انوا ضرر

ع صحتها والحمد الله تركته وصرنا مانشرب بالبيت إلا عصيرات طازجه ) خخخخ واقعد أنا بهالوقت افطس

من ضحك عليه وصدق أحيانا اشعر تأنيب الضميرتجاها :|

6/من اسمي عبير نصيب أحب لون الأحمر والفوشي والورد الأشخاص اللي يهدوني ورده معتبره

أغلى عندي من أنهم يعطوني هدية قيمة وبنفس الوقت مستحيل أفكر إني اهدي لأحد ورد اهديها للنفسي :oops:

مالي وجهه أمرر الواجب لاحد..ويالله أهم شي حليته يابشورة :)

]]> http://misslayan.wordpress.com/?p=62 Tue, 24 Jun 2008 08:08:12 +0000 misslayan http://misslayan.wordpress.com/?p=62 قبل أسبوع تقريباً كنت اسولف مع عمتي عن وظائف الديوان الخدمة المدنية هالوظائف الا اغلب

بنات المملكة الا متخرجات من الجامعة ولا الكلية قدموا فيها وبالأخير يا عمري عليهم

كم بنت بس اللي يقبلونهم والله يعلم وين يعينونهم وعاد مايحتاج الله يعز الحكومة

الطررق ميسرة ومسهله :? و ما يمر كم شهر إلا  وأشوف موقع جريدة الرياض

مسوين ملف الثاني للحوادث المعلمات :(

المهم قلت لها لو تخرجت من الجامعة وما كملت دراستي الماستر و ما سمحوا لنا بعد نشتغل بالقضاء

ما راح أفكر مجرد تفكير إني أقدم أوراقي للهم أصلن راح علق شهادتي فوق سريري بالغرفتي.

وشوف لي وظيفة أنا والواسطة لا تتعلق بالشهادة عمتي بردها لي أكتفت بكلمتين

 أهم شي انك متعلمة ولازم يكون عندك شهادة إحنا يكون عندنا الشهادة أهم من الوظيفة

بعكس رجال إلا وظيفتهم أهم من شهادتهم :|

بالبداية ما اقتنعت قعت اهوجس مع بنات أفكاري بكلامها وخاصة معروف

ان عمتي مخها مادي وتجاري :P لو توقفت عن أكمال دراستي بالجامعة ويكفي العلم

اللي تعلمته من الجامعة خاصة (لو نجحت بالمواد هالترم) راح تكون سنة

مشروع التخرج مدام إني ما عندي نية اعمل بشهادتي والتحق للعمل بمكان ما

بس بعد عمر طويل يمكن انشغل بحياتي الخاصة و أتوقف عن العمل وقتها ما يكون عندي شهادة

تثبت ذلك بالنسبة لي اقتنعت ان شهاداتي أهم من عملي اللي بشتغله :oops:

بالنسبة للرجل بعد عمر طويل لو فكرت بزواج و ش يهمني أكثر من بعد دينه و أخلاقه واصله

شهادته ولاوظيفته مثلاُ لو تقدم لي شخصين والكل يمدحون دينهم وأخلاقهم وكلهم بالثلاثينات

الأول شهادته جامعية معلم وراتبه 5000 والثاني عسكري رتبته الرقيب ولا مقدم

المهم شهادته الثانوية بس راتبه 7000 و ش يهمني أنا أكثر ان اقبل بالرجل

 شهادته عاليه ولا وظيفته حلوه 8)

بالبداية قلت لا لا أكيد ابوافق ع الجامعي وخاصة لو كان معه الماستر والدكتوراه لأنه عقله

أكيد متفتح وإنسان متعلم ويكفي بعد عمر طويل أقول لعيالي اتعلموا شوفوا أنا وأبوكم جامعيين :oops:

والأهم ان شهادتي مو أقل من شهادته ويكفي لما احكي له عن معناتي بالجامعة يكون فاهم

 وش أقول له :| بس لما سمعت صوت ابوي بالصالة وهو يوصي خواتي قبل ما يسافر ع دراستهم

 قلت لا لا عادي أوافق ع رقيب ليش لا :roll:

لما أفكر بحاله ان ابوي اكتفى بالشهادة الابتدائية وما كمل دراسته(والله وكلي فخر فيه) واشتغل

وعمل وقدر ان يوفر له عمل يكفيه وتزوج أمي وهي شهادتها جامعية وقدر ان يربى أبناءه

ع دين وخلق وتعلموا والأهم إني لم اشعر يوم انه شخص مو متعلم وشهادته تعليمية أقل من إخوانه

وأبناء عمه أقول ان عمل الرجل أهم من شهادة وأقتنع بهالكلام أكثر لما اجلس معه وبرفقتنا أشخاص

ارتبط اسمهم بحرف د والله و الله أشوف ابوي متفتح ببعض المواضيع أكثر منهم :?

لدي قناعة بان طبيعة التي خلقنا فيها والأشخاص الموجدين حولينا هي سبب بتأثر بتفكيرنا وشخصيتنا

وتطورها ربما التعليم له أثر بشخصيتنا لكن طبيعة حياتنا أكثر..ربما أكون مخطئه بذلك لكن

هالقناعة بداخلي استمدتها من والدي..

فكرت شوي بعد عمر طويل بعيالي ولاحظت ان طوال حياتي وخاصة بالجامعة قد سئلت

من قبل البنات الملاقيف ليان أبوك وش يشتغل..لكن لم يمر علي يوم بحياتي سؤال ليان

أبوك وش شهادته...؟؟(وترى هالسؤال ما أحبه احس عيب ان وحده تسأل أبوك ولا رجالك

وش يشتغل :idea: )حتى بحياتنا لما يتحدث شخص إمامك عن شخص ما نسأله أولاً عن عمله

فلان وش وظيفته...؟؟

شهادة ابوي الابتدائية ما أثرت فيني بتعامله معي وأنا أشوفه ناجح بعمله ولله الحمد

فعيالي ما راح يتأثرون لو أبوهم كان تعليمه اقل مني و لا حتى معه الثانوية

حتى بحياتنا في أشخاص نسمع عنهم التعليم ما أفادهم إلا بشهادة الورقة اللي معهم.

لا تطور تفكيرهم ولا حتى أخلاقهم..تشهد بذلك..ونجد أشخاص ما معهم إلا شهادة الابتدائي

لكن تفكيرهم وتعاملهم وأخلاقهم أكبر من هالشهادة وشخصياً والدي أكبر مثال على ذلك...

قبل ما اكتب هالكلام تحدثت مع البنات بالمسن و كل وحدة أبدعت برأيها الفلسفي (مستحيل

اخذ واحد شهادته الثانوية أقل مني حتى لو راتبه مغري أكيد تفكيره غير عن الجامعي)

قلت للهم لا تقسون وترفضين شخص عشان شهادته..ولا شهادتك أكبر من شهادته

دينه وأخلاقه واصله و عمله سواء كان بالقطاع العسكري ولا بالشركات..ناسبتك

اسألوا عن طبيعة اللي خلق فيها والأشخاص اللي حوله ترى شهادته مو أهم من عمله

والأهم بعدين عقليته يانوف:)

اليوم أنهيت اختباراتي..كان أسوء اختبار قدمته كنت آخر طالبة بالقاعة حين سلمت

الورقة للدكتورة سألتني الأسئلة كانت بحاجة كل هالوقت ..!!

اكتفيت بقولي لها لا بس يمكن أنا هالمستوى صرت كسلانة :|

مثل هالوقت نهاية كل ترم كنت انتظر كم أخذت بالمادة85/90/97 وادعي يارب ماتقل عن 85

لكن شتان مابين هالوقت وقبل صرت ادعي يارب أكون ناجحه يارب احمل مادة وحدة بس

وشتان مابين حالي حين وقت الاختبار هالترم وقبل كنت لا اجد وقت حتى أراقب مريم

اللي بجانبي كيف شكلها وهي تحل كم باقي من البنات القاعة مين أول وحدة

خرجت وفوق هذا كله وأنا مازلت أفكربحل سؤال الثاني..

هالترم عرفت أمر عن مريم لم أكن أعرفه من قبل قلت لم يكن حالي مثل هالحال

كنت استلم الورقة وما ارفع راسي عنها الا حين أسلمها ..لكن اليوم كنت أراقب البنات واقنع نفسي

بأن الأسئلة صعبة وحين رايت مريم بأنها لم تحل سؤال الأول ولا الثاني اقتنعت ان فعلاً الأسئلة صعبة

لكن لم اكن اعرف ان مريم كانت تنتظر ان اغلب البنات القاعة يسلمون أورقهم حتى تجلس

المراقبة على كرسيها وتقوم بإخراج ورقة ..ولم تمر عشرة دقائق إلا ومريم خارج القاعة

وأنا لي الساعة أفكر بحل سؤال الثاني..

قصدت إني أقوم بإحراج مريم حين رايتها..وهي تناقش البنات بكل ثقة عن الاختبار

أمام القاعة مريم بخفة دمهااكتفت بقولها (من جدك أذاكر الكتاب كله و بالأخير شوفي

ثلاثة أسئلة بس وسنة الجاية مشروع تخرج)

مريم ضمنت درجتها بأنها لن تقل عن تسعين بالمادة وأنا هيئت نفسي بشعور

لم تعتدها نفسي من قبل بأني سوف احمل المادة لأني صرت كسلانة وصديقتي جوهره اللي ذاكرت

أخبرتني أنها ضامنة النجاح لكن بالدرجة أقل بكثير من مريم..!!

أنا صرت كسلانة هالترم ويمكن الترم القادم مثل هالوقت أقول أنا صرت مثل مريم

مدام اللي بقسمنا يحبونا ومايبونا نتخرج..صدق والله قهر :roll:

وفوق هذا كله أحلى ولكم باك للإجازة :oops:

ياكثر الواجبات إلي مررت لمدونتي بس كنت أتجاهلها فقط بسبب الكسل بحلها :P

والبعض كنت أحلها من خلال ردي ع المدونة إلي مررت لي الواجب

لكن هالواجب جاء بوقته استعداداُ  للاختبارات  والأهم إن هالأيام صرت أتذكر أيام الزمان

 واحن لها..او بالأصح صرت ابحث عن إي شي  يخليني احن للأيام الماضية واذكرها

وأعيشها مره الثانية بس أكيد بخيالي مو بالواقع :|

هالواجب ذكريات مع التعليم مررتها لي الحبيبة مضيعة بيتهم :oops:

- أفضل مرحلة تعليمية درستها ؟

الروضة صدق للحين اذكر بعض البنات والعيال اللي كانوا معي بصف :P

جد المتوسطة والثانوية حتى الجامعة لكل مرحلة لها متعتها

بس يمكن المتوسطة أكثر اللعب ووناسة وشلة بنات والمديرة كانت فله

عكس الثانوية كنت جدية فيها والمدرسة إلي انتقلت فيها نظااام نظاام والطالبات اللي فيها ياي :?

- أسوأ مرحلة تعليمية مرت عليك ؟

الابتدائييية اكرررررها وكله من  الوكيلة كانت أول مره وأخر مره أنضرب فيها

مااحب اذكر هالمرحلة كلش :cry:

3- أفضل المدرسين اللي مروا عليك ؟

أكيد ابله فاطمة الحزامي روعه هالادمية اهي سبب الأول والأخيرة اللي خلتني اعشق

مادتها علم النفس ومس حنان يحليلها و إبله منيرة الحربي وإبله نوره

الله يذكرهم بالخير وبالجامعة الدكتورة صباح الياس و الدكتور حسن القرني

                                                           - أحب المواد اللي درستها ؟

علم النفس وعلم الاجتماع والمكتبة والادب و الرياضيات ياحبي للهم

اما بالجامعة العقيدة وفلسفة مبادئ الاقتصاد أصول الفقه

- أكره المواد اللي مرت عليك ؟

الفيزياء وتجاربها اللي فيها أكررها  وأختها الكيمياء وصاحبة الدم الثقيل الأحياء :?

آخر شهادة علمية حصلت عليها , وتخصصك ؟

دعوواتكم يارب بديت بالمشروع التخرج :oops:

- أطرف موقف مر عليك في دراستك

                              بالمتوسط كنت ادرس بمدرسة حكومية وتعرفون عاد بنات الحكومية ياحبي للهم :)

كنا شلة وعددنا 9 وكنا طقاقات بكل ما تعنيها هالكلمة من معنى إي حفل يصير

عندنا بالمدرسة أبدا مالهم إلا حنا :P أصلن علطول نروح للأبله اللي ماسكه الحفل

ونأخذ منها الأناشيد ونحفظها وكنت أشارك أحيانا مع صديقاتي بس أرد وراهم كورال

 مستحيل امسك المايك من كثر الحياء اللي فيني :oops:

                               ومره كان عندنا حفل يوم المعلم و اختروني البنات ووافقت قلت يالله اجرب

                       وكان المفروض أنا أقول وهم بعدي يردون هم ما حفظوا معتمدين علي وبلاهم ما يدرون

                                 ان صديقتهم عندها معناه مع النسيان اطلعنا ع المسرح أنا واقفة

                      هم ورأي 8 ماسكه المايك ولا كلمة جات في بالي إلا صديقتي نوف ذكرني بالمقطع الأول

                     واقوله ورجعت سكت واشر لهم مافي صوت خربان ويعني اقول وهم ما يسمعون إلا قالوا

                     خلاص قولوا كذا يهمهم بس الموجه اللي مرتزه قدام تسمع عاد أنا توهقت كنت حسبهم

                    ينزلونا  إلا شوي البنات اللي ورأي وحده ورى الثانية تنزل من الخلف ما قعد إلا أنا كنت أقول لهم

              شفتوا هذولا نذلات بس إنا أحسن منهم وابعتذر لكم عاد بعدها ضحك الكل علي وتعهدت بعدها

                                                     مااشارك بالحفلات أبدا  

                     اختبار الثانوية النهائي يوم الجغرافيا حليت الأسئلة ورسمت الخريطة وانتهيت وقعت أطالع بالورقة

 البنت اللي جنبي وهي ترسم الخريطة وأقول بنفسي راييقه هالبنت الألوان وتحديد وشي شي رسمتها

 وشوي الا البنت تطالع بورقتها و تأخذ القلم وتشطب ع الرسمة وتروح ترسم خريطة الثانية8O

 أنا لاشعوريا رفعت صوتي و قلت لها ليششش ياخبله صح البرازيل كانوا يجون المراقبات يوقفون

 فوق راسي ايش قاعدة تقولين جابوا ورقة التوقيع وخلوني اوقع واطلع عاد البنات اللي رسموا

خريطة غير خريطة البرازيل اول ما طلعوا من القاعة خمووني :oops:

أصعب موقف مر عليك في دراستك ؟

 مره خرجت من الجامعة الساعة 3 أول ما ركبت السيارة قلت لسواقنا يالله ع البيت عاد

مكيفه السيارة  ومضلله و مو من عادتي اني انام بالسيارة بس غفيت  وقتها وكنت بمووت من التعب

من ضغط المحاضرات بهاليوم وقف سواقنا عند محطة قريبة مره من بيتنا  يبغى اشتري  لأختي قبل

ما يأذن العصر وهو جاي ينزل قلت له لااا خلي المكيف انزل بسرعة...شوي إلا واحد ركب السيارة

 لابس الثوب ومتلثم بالشماغ إنا ما استوعبت شوي إلا والسيارة تتحرك وأصيح ذيك الصيحه

 ويين حرام عليك والمصيبة وقت عصر والشارع شبه فاضي  واحاول افتح الباب الا اهو يلتفت  

يفتح لثمتها عبيير اهجدي انا عمك توفيق وقتها من الفجعة قمت ونطيت قدام عنده ولا شعورياً

 قعت اضربه :cry: المصيبة ان عمي كلش مو معروف عنه هالحركتات شخصيه وكذا

بس وقته شاف سوافنا بالبقاله وسأله من معك قال له عبير عصب عليه كان يبي يعلمني

 ويعطيني درس من دروسه إني معاد أخلي سواقنا يوقف وأنا معه ويخلي مفتاح السيارة

                                  والله وقتها حلفت من البيت للجامعة ومن الجامعة للبيت :cry:

وايييه لم نقلت من المدرسة وتركت صديقاتي  كانت أمي تحن علي إني انقل من المدرسة لأني

 كنت للعابة  ومااهتم بالمذاكره  أهم شي انجح و بأولى الثانوية بداية الترم الثاني غصبتني ونقلتني

وطوال الأسبوع الأول  كنت اروح للمدرسة الأهلية ودمعتي ع خدي وخاصة أول الأسبوع كنت اجلس

بالفسحة الوحدي مشكلتي طبعي ما اتأقلم مع الي حولي بسرعة:| وخاصة كانوا الطالبات ياي أحب البنات

اللي رجه وللعب بس عدت هالسنتين ع الخير

مضيعة نشطت ذاكرتي بحل هالواجب :oops:

                                                                 أشوفكم بعد الاختبارات :|

احتقان عميق، وحشرجة خانقة، والجميع كانوا يحاولون إن يكتمون عبراتهم ودموعهم حين طلتها.لأنها غالية فطلبها كان غالي عليهم عندما قالت لنا (ماابغي اشوف دموعكم)كانت ملاك بطلتها لا كانت احلي من الملاك.نعم أحلى من الملاك بابتسمتها المرسومة على شفتيها كانت تحاول أنها تثبت لنا بأنها سعيدة لكن لم تستطيع إن تخفي لمعة عينيها..كان الجميع منبهر بها  كان الجميع يتأملها بصمت

فقط كان الجسمي يحكي بصوته اقتربت لمكان كرسيها وتعالت أصواتنا بزغاريد على صوته حتى أسكتناه

حينها عشنا لحظات الفرح بتنوع طقوسها عشناها لأجلها وكأننا لم نذوق يوم طعم الفرح أبدا

 لكن لم تمر بضع للحظات إلا وتذكرنا قرب موعد سفرها..

بكيت نعم بكيت وأنا التي كنت أكابر نزول دموعي عليها ليس لسبب ما فقط لأيماني بأنها سوف تعيش

 حياة أسعد من حياتها فلما البكاء...لكن بكيت عندما شاهدتها عند زيارتها لنا وهي تقوم بتجهيز حقائبها..

بكيت عندما رايته وهو يدفع بحقائبها نحو نقطة التفتيش الأولى  بالمطار وكالعادة الرجال مثل هالمواقف

 كان قاسي معنا عندما امسك بيديها واختلط صوت شهقات بكائنا بشهقات ضحكه بين جنبات المطار و أبعدنا عنها..  

تعودت إن أرى ابنة السابعة والعشرون إنسانة واثقة من نفسها إنسانه قيادية بكل ما تعنيها الكلمة من معنى

لكن لم تكن حينها بتلك الصفات التي عرفتها منذ ولادتي بل  كانت طفلة بين يديه نعم طفلة وهي وتسير

 بجانبها بوجه جامد لا يفسر وما هي لحظات حتى أصبح من الصعب رؤيتها، ثم بعد ساعة،ترن رنتها

الأخيرة من هاتفها، لتعلن لنا أنها أصبحت في الطائرة.

شقيقتي تزوجت وسافرت .البنت الكبيرة لها مكانتها في البيت هذا ما كنت اسمعه من قبل لكن أختي

 لم تكن مكانتها بقلوبنا فقط لأنها أكبرنا عمراً بل أكبر من ذلك بكثير ولأنها أختي الكبيرة

 خدمتني كثيرا بالمقابل أنا لم أخدمها بشئ لأنها كانت تعرف كل شئ ...لم أصدق سفرها للمكان يفصل بيننا

جبال وبحر بل قارات إلا حينما رأيت سريرها الفارغ.. ابتسمت وأنا أنظر إليه بجانبي بحزن.أصبح كل

 مكان بغرفتنا يذكرنا فيها..سريرها خزنت ملابسها لاب توبها كتبها حتى رائحتها بمخدتها كأنها

كانت تريد إن تحسسنا بوجودها فلم تأخذ شي معها

هناك شبه بينه وبين ملك الموت الذي يأتي بغتة وينزع الروح من جسم الإنسان ويموت الجسم

 بفراقه ..فهي روح بيتنا..روح بيتنا..لكن عزائنا الوحيد انه كان حلم يراودها بإكمال دراستها

 بالخارج وحان وقت تحقيقه

تقبلت للواقع  وأصبحت أفكر كثيرا كيف كان حال أمه عندما دعت له..كيف كان حالها وهي تدعوا له مثل

 كل الأمهات عندما تدعي لأبنائها وتخص ابنها بدعوة قلبية إن يرزقه بزوجة صالحة..تحت المطر

وهي تصلي ودموعها لا تتوقف من عينيها إما  عمل عملته ونالت رضي الله عنها..إما كانت تدعوا له

 بالساعة الاستجابة وفتحت لها باب من أبواب الجنة..لا يهم لكن الأهم أن أمه عندما دعت له كانت

 اقرب عباد الله إليه..ورزقه بالزوجة الصالحة وكان الكريم كريماَ معها عندما استجاب دعوتها

فهي الأكبر والأجمل و الأهدى وصاحبة قلب لا مثيل له هي نعمة محسود عليها ببركة دعاء أمه

 فوفقها الله.. وعقبالكم يارب بالزواج والأهم الدراسة والعمل بالخارج :!:

كنت لتوي أنهيت مكالمتي مع والدتي..لتخبرني من سوف يصلني إليها بالطريق

إلي ووعد منها بأنها لان تذهب إلا سوق إلا حين وصولي إليهم كنت انوي الفرفر

معها بمجمعات جدة استعداداً للحفل زواج شقيقتي الكبرى...

وكوني لا أطيق الانتظار فتحت جهازي لأجل دخول للمسنجري الذي غبت عنه

ما يقارب أسبوعين لم أتعجب بالرسائل أحبتي هم دائما كريمين بسؤال عني      

لكن تفا جئت عندما قرأت توبك أمنية العمر (اليوم مدونات مكة) سبق وان

أخبرتني أيـانق عن للقاء للمدونات مكة وحينها وعدتها إن كنت متواجدة بمكة

 حينها سوف احضر  للقاء معهم

لكن لم أكن اعلم انه تم تحديده يوم الأربعاء أخبرت أمنية لو حضرت ورأيت أيانق

سوف أعتبها على عدم إخباري بالموعد قبلها لكن من رايتها تجاهلت عتبي لها :oops:

عدت للاتصال على والدتي (وأخبرتها عن الاجتماع سريعاً) أخبرتني أمنية بأن

الساعة السادسة عصراً موعد للقائهم وأنا علي إن أصل للجدة قبل الثامنة ألبست

عبايتي وفتحت شنطتي وحطيت القلوس وروج

عندما نظرت الي وجهي شاحبا في المرآة محفظتي وكأني بعمر الثلاثينات هذا ما

قالته لي عيشه بالسيارة التي دائما ما ترافقني عند ذهابي ورجوعي للجدة حمدت

 ربي بأني أحضرت عدة الميك اب لا بأس بها لعلها تخفي  بعض من ملامح التعب

وهم الاختبارات وملل البحث عن موضوع للمشروع التخرج وتفكير كيف سوف

 يكون حالنا وحال بيتنا عند زواج والسفر شقيقتي :)

كنت شايله هم معرفة المكان وكلمات أمنية مازلت أرددها لسواقنا (لا ضيعنا قريب

من سوق الضيافة)وهم اللقاء كيف يكون..!!غير إن هذا أول اللقاء يجمعني بهم

 فهم من أوال الأشخاص يجمعني مكان معهم بعيداً عن الشاشة جهازي

وصلت للمكان اللقاء كنت آخرا وحدة وصلت و آخرا وحدة غادرته كان المكان رائعاً

لم اكن اعرفه من قبل لكن من رايته كان مثل ما وصفته لي بنت خالتي ..تخبطت أول

ما وصلت اتصلت على أمنية واتت إلي سلمت عليها وأخذتني للطابق الثاني وتحديداً

 للطاولة التي تجمعهم ..أول ما سلمت على( أراكة عبدالعزيز وهشك بشك (سفانة)

وأيانق وأمنية العمر وخوخة و أوده سألت عن ايانق لكن (حيروني عندما قالوا لي

أنت توقعي :?)وللأسف جميع توقعاتي فشلت ماعدا هشك بشك كانت شخصيتها

مثل مدونتها :P

تحدثنا عن مواضيع كثيرة تتعلق بالتدوين و لا تتعلق به...عن خروج الأخ فؤاد

ومرض هديل شفها الله وعن دراستهم الجامعة وعن فتيات البوية وأخبرتهم عن

السبب الحقيقة لكتابتي عنهم رغم قناعتي بأنها حرية شخصية  وكيف عرفنا

عالم المدونات عندما تم سؤالي هالسؤال سكت قليلاً لأجل أن أتذكر جوابه لكن

 فاجأتني انايق ما شاء الله على ذاكرتها :oops:عن تلك تدوينه التي قمت

 بكتبتها عن كيف علمت بعالم التدوين حين كنت بموقع جيران و أيضا عن بعض

 تدوينات قمت بكتبته و أنا لا أتذكرها :?

للقائي بهم كان للقاء التعارف فتيات رائعات..وكان بالنسبة لي للقاء غير عادي فهم

من أوال الأشخاص التي جمعتني الشاشة جهازي بهم و التقيتهم بالواقع أحببتهم

من تحدثت معهم وحسبي ان مدونات مكة أحبوني :)

مدونـات مـكة

عالمي الصغير يتسع

يوم الخميس الأسبوع الماضي رسالة مختلفة أضاءت جوالي من شخص مختلف

يدعى الدكتور بو سلمى كان يدعيني للحضور دورات تقام بمكة بـ الأجازة القصيرة

تذكرت حينها كلامي لشقيقي قبل مدة عن رغبتي لحضور الدورات عن تطوير الذات و

 علم النفس..الخ كل الدورات التي سبق وان حضرتها كانت تتعلق بالجامعة ودراستي

بالبداية ترددت كثيرا بالذهاب بسبب بعد المكان عني وكنت أنوي الأعتذارمنه

 لكن تذكرت رسالته واهتمام شقيقي فحياء مني قررت إني أروح وللأسف لم أجد

 أحد يرافقني سوى شغالتنا :(

اخترت دورتي (لمسة إبداع و تكنولوجيا والتغير) مدتها خمسة ساعات تقريباً

ووصلت الساعة الخامسة عصراً للمكان التي تقام فيه الدورات بـ مكة الدولي للأعمال

كانت صالتين تقام فيها الدورات الصالة الأولى للرجال كانت بوابتهم مزدحمة عكس

الصالة اللي بجانبها  كان عدد النساء ستة فقط..استغربت من اهتمامهم بهالدورات أفضل من النساء..!!

كان المدرب الدكتور اسماعيل مايجان رائع تارة وتارة مزعج بداية أخبرنا بأن الدورة

لمسة إبداع مقسمه للنظري وتطبيقي بفترة النظري استفدت من كلامه ودونت بعض النقاط

لكن بتطبيقي أندمت إني جيت كان يتفاعل كثيراً مع الرجال ..التجربة الأولى طبقتها معه

لكن الثانية حطيت راسي على الطاولة وغفيت .كان يهتم كثيراً فيهم بتشجيعهم بمشاهدة

تطبيقهم و أوراقهم إما إحنا كنا موجدات بالاسم فقط لم اصحي من غفوتي إلا عندما قال

 إن شاء الله ياخواني وأخواتي استفدتوا من هالدورة..الخ قلت بنفسي حينها وأخييييرا تذكرنا 8O

رجعت للبيت قلت لامي ما عاد إني حاضره  للدورات إلاإذا خلوها اختلاط :| عشان أثق

بأني راح استفيد  كان المفروض أنه يهتم بحضورنا ونشارك معه لو حضرت وحده فقط

يكفي انها تعنت وحضرت صار العكس ولا كأننا موجدات بالدورة :(

يوم الاثنين رحت للدورة التكنولوجيا والتغير من بعد توصية من الدكتوربو سلمى للشقيقي

بأن الدكتور بكر حامد رائع ..الخ ازداد عدد الحاضرات و المدرب كان أفضل من زميله

 ما نسى ووجودنا معه اذن العيب كان من المدرب واللي أسعدني أكثر كانت هناك

مداخلات من الحاضرات..قبل فترة البريك وزع أوراق علينا عن مشكلة فردية لو كنت

بمكانه ماهي الافتراضات التي تقدمها  لحلها.ولأنها فردية أثناء البريك كانت أجوبتنا

تختلف كلن بوجهة نظرها من الناحية الإمكانيات المختلفة اللي عندنا :roll:

قالت إحدى الحاضرات خلاص كل وحدة تقول رأيها مدام مختلفين إلا إن تدخلت إحدى

 المشرفات قالت يلت لو وحدة هي اللي تتكلم بناية عنكم..طبعاً وجهي صار كذا 8O 

من كلامها كنت أتمنى لو لم تتدخل  اللي بجانبها وقالت لا كل وحدة تشرح وجهة نظرها

يابنات مين اللي كتبت وتبغى تقدم اقتراحاتها للدكتور كنت أتمنى لو أكملت كلامها

وعن سبب منعها..لكن استغربت أكثر عندما قالت طيب مو لازم تقولون اساميكم كيذا شاركوا.!!!!!

هالكلام ما قدرت اسمعه وأسكت فقلت لها  ليش حرام :) فقالت لاا بس ماله داعي دكتور

 معاك الفلانة الفلاني.هالكلام عصبني أكثر وقلت لها اسمحيلي ترى مو كل الناس يخجلون

من ذكر أسمائهم ..وتدخلت إحدى الحاضرات وأخبرتها بأنها أخذت دورات على يد شيوخ

وكانت تذكر أسمها عادي..هالنقاش كاد أن يطول مع إصرارها لو ما انتهت فترة البريك

وقال المدرب يالله أخواني و أخواتي نشوف حلولكم ما كانت لدي نية بالمشاركة

لكن بعد كلامي مع المشرفة قلت اللي بجاني لو سمحت ِأنا ابي أول وحده أشارك

فمدت لي المايك فقلت للمدرب معاك فلانه بنت فلان فلان الفلاني..(ذكرت اسمي

وأسم ابوي وأسم جدي وعائلتي :P )

وأنا بالعادة أكتفي باسمي وأسم والدي ووسط ضحك من قبل الحاضرات على ردة فعلي ..

ومن بعدي كل اللي شاركوا من النساء ذكروا اسميهم و إن كانوا البعض أكتفوا باسمهم

الأول لكن كان الأهم لدي إني أوضح للمشرفة انه مو حرام ولا عيب إننا نذكر اسأمينا

إذا سئلت مامعنى قول الرسول صلى الله عليه وسلم (مثل المؤمنين في توادهم وتراحمهم وتعاطفهم

مثل الجسد الواحد إذا اشتكى منه عضو تداعى له سائر الجسد بالسهر والحمى)..؟؟

لأجبت فوراً تصفح وأقرءا الم�