و لا بعد 100 سنه رح  يتقبل الشعب السعودي انه البنت تسوق السياره ...

 ( بما اني ساكنه بسكن - كمباوند- .. و بفضل كثره الاجانب اللي فيه.. فمسموح للنساء انها تسوق ضمن حدود السكن  ) ..

اللي صارمن يومين الصبح اني رحت اوصل اخوي الصغير على المدرسه.. اخوي بسادس ابتدائي .. فبخليني انزله بعيد عن البوابه يمكن 10 متر بحجة اني  ما ادخل بزحمه السيارات وبس اكيد الواقع  انه بينحرج انه اخته بتوصله على المدرسه .. و لاسيما انها مدرسه من ابتدائي لثانوي .. و بنفس الوقت هوه اللي بصحينى علشان اوصلهاذا مافي  خيارات ثانيه بالبيت توصله غيري .. او ما حدا بيعطيه وجه .. الكل بده ينام .. و اهلي ما عندهم مشكله اني اوصله لانه بلاقي بنات غيري او امهات  جايين بالسياره يوصلو ولادهم على المدرسه .. 

المهم اللي صار اليوم تقريبا مثل اللي بسير كل مره بوصله فيها على المدرسه .. الشعب اللي حولي سواءا من السواقين الهنود او من الناس اللي اول مره بيشوفوا بنت مكشفه وجهها و كمان بتسوق سياره .. ما بخلوا حدا بحاله ..

انواع الازعاجات كلها و الزوامير بسمعها... واقفه على تقاطع و الطريق مش فاضي حتى امر و مع ذلك اسمع اكتر من زامور جاي من وراي ليش .. الطريق مش فاضي .. الدنيا أزمه  ..  مش مشكلتهم  انه الدنيا ازمه مشكلتهم انه في بنت قدامهم بتسوق ..  

يعني من اول ما بدأت امسك السياره و اطلع فيها مشاويري لحالي مع انه اطول مشوار عباره عن 10 دقايق ..بس  اغلب الاحيان  لازم يسير معي مواقف ..

و بعضها مواقف الله ستر منها .. و سرت كل مره اركب السياره افتح الراديوا على القرآن ... علشان ارجع على البيت بدون مشاكل..

مثلا من المرات كنت ماشيه بطريق رئيسي طويل و في أكمن شب على الرصيف و معهم كره قدم رمولي اياها قدام السياره و صاروا يضحكوا.. طبعا يضحكوا من ردت فعلي ... وقتها رحت يمين و يسار علشان حضره الكره ما تسير تحت العجل  .. مما ادى الي انه الشباب زادت نبره ضحكهم ..  ليش سوو هيك .. علشان يتسلوا .. بيعرفوا اني بنت يعني اكيد ما حنزل من السياره و لااصرخ عليهم و لا ابهدل و حضلني ماشيه بطريقي و انا معصبه و بحكي مع حالي .. بس اهم اشي انهم تسلوا و انا الله سترني ما كان في سيارات حوليي و الا كنت خبطت بوحده ..

و كتير زيها مواقف..

و اختى من قبلي كانت تسير فيها كتير مواقف مماثله .. بس هيه انخبطت معها السياره 3 مرات الى الآن .. انا الحمد لله لسا السياره صاغ سليم .. الله يتمم .. 

 انا ا مش اول و لاخر وحده بسوق .. و مش اني ما بعرف اسوق عندي رخصه سواقه من ايام الجامعه ..

يعني الغلط مش بسواقتي الغلط بالناس اللي مو راضيه تطور عقولها .. 

واحد من اخواني مثلا عنده يشوف الموت ولا يشوفني بسوق السياره .. على قولته عيب البنت تسوق .. و بسببه اصدر مرسوم ملكي من اهلي  امس  المسا  اني ممنوع اوصل حدا على المدرسه .. اقنعهم بحجه انها امتحانات و الطلاب يكونو جايين مستعجلين بسياراتهم .. و بتكثر الحوادث .. اصلا اريحلي ..

 بالمقابل اخوي الكبير او ابوي اذا بيحتاحوا توصيله و ما بدهم السياره  تضل معهم  بوصلهم محل ما بدهم و بكمل مشواري ... يعني ما بيستحوا يركبو و انا اللي اسوق ..

بالنهايه .. انا من اشد المعارضين للسماح للمرأه انها تسوق بالسعوديه ... حتى تتصلح عقول الناس .. و ماحدا بيعرف متى هذا الاشي حيصير ..

 ما بعرف شو رأيكم؟؟