بعد ما دبل الورد الاسمر على شطه
فجأة وبدون مواعيد
النهر اتأمل ف حكايته
وعيّط

قرر يتحوّل بحر

يمكن علشان البحر وحيد
بعيد
مفيش على شطه ورود سمرة
بتدبل فجأة
يمكن علشان البحر بليد
ويادوبك بيفك الخط
بدائي ف غضبه وحبه وتواحيشه
مش مضطر يصاحب حد
كل اللي عرفهم زوار
كل الحكايات فيه أسرار
صنعته إنه يخبيها

يمكن علشان العِشرة
وكسر القشرة
شيء محزن ف المضمون
يمكن علشان الكون
لما بيدّينا الفرصة
على قد ونَسْنا
على قد ما بنخاف م النهايات

النهر ف حالته البحرية
هيشيل الشطين على جنب
الشط الضيق والواسع
هيشيل العُمرين على جنب
العمر الخاطف والشاسع
هيداري النخل شوية
وبيوت الناس هيغطيها

هيلوّن سمكه البلطي الكالح
بجميع ألوان الفرح الاهبل
وهيستغرق ف الطعم المالح
جداً.. جداً
وهيتغطى
وهيغطي
وهيتماهى
وهيستهبل وهيتباهى
وهينسى كل الأعمار
هيغير اسمه وبلده ودينه
في بطاقته الشخصية
ويغطس ف مداه

عمر

دينوكراتيس وترام تمانية

سيدي كُريّم والنديم وسيدي سيد ابو الدراويش

مجد وزهرة ورشدي وكاميليا

حدّش قرا التاريخين والصفحة هيّ هيّ

مدد يا مرسي يا ابو الدرداء يا بوصيري

يا ست صفيّة

سيدي ابراهيم كشّاف فنان

بإيده المدينة خللى المخبي يبان

لا هرب من الجمرك ولا سرق عنب م الغيط

بيصوم في مينا البصل ويزكّي ف زيزينيا

عاشق جلوس الرمل خطيب المنشية

سبّاح فلايكي يا ترعة المحمودية

داخل من الباب عُمر صوفي في الحضرة

لابس ملابس فؤاد حداد في راس سدرة

سند كتافه على العمود والعمود ده رخام

يا سلام لو حبة مُزز بحري على أروام

راغب في شرب البولكى في بوالينو وباكوس

يقول النكتة في الأزاريطة تضحك لها فاروس

عُشبجي في العطارة والعطارين أحوال

ماشي في مكس الطريق ولا النبي دانيال

كرموز وراس التين وستانلي وجليمو

محرم والبياصة.. الأنفوشي عارفينو

هو المغني ديميس والمخرجاتي جو

حكى بريشة وانلي الشراغيش حبّوه

لا أحد ينام في اسكندرية

دينوكراتيس وترام تمانية

سيدي كُريّم والنديم وسيدي سيد ابو الدراويش

مجد وزهرة ورشدي وكاميليا

أحمد مصطفى

اهداءاً لإبراهيم عبد المجيد

تحت آذان الفجر

في شارعنا الأسفلت

كانت شجرة عجوزة

واقفة بميل مظبوط

بتفكر في الموت

الورق الهربان

زي نتيجة ف شهر ديسمبر

والفرع الحيران

يطلع ولا يتنــُّه

والفرع المتقاعد

مُتنامي ومُتباعد

الجذع المتكرمش

والورد المطرود

يمكن كانت نيّة

أو حِس اللي مقرّب

أو زهق المستغرب

من بُعد الأمنية

يمكن هي طريقة

للشجر الأسفلتي

يتدرب على موته

لما الدنيا تشتـّي

فنلاحظ لون أخضر

في ربيعنا الأسمنتي

ونقول شوف الشجرة

بتودّع وتعود..

........

جنب الصبح الساكن

في شارعنا الأسفلت

كانت نفس الشجرة

بمواتها المكّار

عاملة مطار للعصافير

حاضنة هناجر وفروعها

في جميع الاتجاهات

رحلات يومية لبيتنا

ولكل بيوت حتتنا

وفي أي سطوح هتلاقي

صوت العصافير بيغنّي

محلا السفر العشوائي

محلا الطير الطيّاري

تقرا العصافير أفكاري

فتزقزق باستنفار

اللحن مفيهش مبالغة

السعيْ مفيهش هزار

احنا اللي بنـَعْني النيّة

وبنسبق باستغفار

احنا معاني الأغنية

واحنا قوافي الأشعار

احنا اللي فهمنا الشجرة

مالهاش غيرنا ومالناش

الشجر اللي بيتعاش

الشجر اللي مبيموتش

لكن مستنّي ربيع

فوتوغرافيا: عمر

صحيت من النوم

مسامح الدنيا

ومسامح هدومي

ورجليّا وايديّا

وكل التراب اللي فوق الصور

مسامح غياب القمر بالشهور

وكل الشوارع اللي ضلمت عليّ

وزحمة فراقنا

ومُر السفر

سامحت اللي عاتب

وناسي يواسيني

سامحت كراريسي ومُدرّسيني

وغمضت عيني

وسامحت اضطراري

ف لحظة هبوطي

عفيت عن سكوتي

فهمت احتياجي

عفيت عن شرودي

بقهري ومزاجي

وفيّ حيل اطبطب عليّ ف وَجَل

سماح مُرتجل

وزهوة رضا

فإن حان الأجل

وحلّ القضا

سامحني يا ربّي

وفرّح حبايبي

وحنّن قلوبنا الضعيفة الحزينة

إذا ما بعدنا

فعفواً وقـُرباً

وإذا ما قَرُبنا

فبارك علينا

وقرّب مُنايا

أنا إذ أتوب

يا رب القلوب

سماحاً سماح

ظابطين مع بعض النغمة من النوى

سامعين سوا

صولوهات قلوبنا حفل راقص على جزئين

سبنا العينين وحوَدْنا ع الإحساس

والريحة بالسؤالات مِتشبّعة

ودوشة ناس

وفيها حس بنات متدلعة

ومراجيح

وانا وانتي بالتفاريح

بنقول لبعض كلام صريح..

ومتداري

تعالي..!

8 فبراير 2007

كل عام هجري وانتم بخير، 1428 عام مرت من هجرة الرسول الكريم صلى الله عليه وسلم للمدينة المنورة. ومن عبقرية المناسبة لعبقرية قلبي وعيني "فؤاد حداد"، اهديكم قصيدة "مبدأ تاريخ الهجرة" من ديوان (على أعتاب الحضرة الزكية - يا اهل الأمانة) ء

يا اهل الأمانة والندى والشوق
يا مجمّعين الشمل في الحضرة الزكية
أول ما نبدي القول نصلّي على النبي
سيّد ولد عدنان نبينا الزين
الهجرة كانت مبدأ الأنوار
وفجر دايم في الأثر والعين
أبو بكر كان صدّيق وتاني اتنين
المطمئن في صحبة المختار
أحمد على سرّ الوجود مؤتمن
والعنكبوت يغزل خيوط الزمن
وحمامه باضت عند باب الغار
رقدت جميلة والحنان بيفيض
والمشركين قلبوا العيون البيض
لا أفئدة فيهم ولا أبصار
ويتمّ أمر الواحد الجبار
والنور على طول الطريق ينجلي
تحت السما والشمس أما عَلي
من قبل ما هزّت ايديه ذو الفقار
من قبل ما يكون الإمام الشهيد
كان الفتي – في البُرْد الاخضر سعيد
قاعد فداء المصطفى في الدار
أنا يا رسول الله يا طاهر أمين
باغنّي للدنيا وللمسلمين
من وحي نورك كان شقايَ عمار
وانت اللي عالم بالحنان اللي فاض بي
أنا حتّة من قلبي
في كل بيت من هذه الأشعار

مبدأ تاريخ الهجرة
المعجزة والعبرة
كل الليالي نهار

لله بأمر الله
في سبيل ومُلك الله
خرج النبي من الدار
والمؤمن الصدّيق
سلك معاه الطريق
ودخل معاه الغار
يا صاحبي لا تحزن
الله يريدُ الأحسن
بعباده الأبرار
النور خفق بجناحه
والليل سجى ورياحه
والنخل والصبّار
مبدأ تاريخ الهجرة
المعجزة والعبرة
كل الليالي نهار

العنكبوت ع الحيط
نسج الزمن والخيط
بمشيئة الستـّار
وجت الحمامة البيضا
حطت لآلئ بيضا
تولد زغابة صغار
نور السما في عينيها
والدنيا تحت إيديها
والغصن في المنقار
قعدت بخير وسلامه
أرق خلقه حمامه
أعمت عين الكفار
مبدأ تاريخ الهجرة
المعجزة والعبرة
كل الليالي نهار

ومشى الطريق إلى يثرب
والظهر مال للمغرب
والظل لف ودار
كل الحجارة تسلـّم
كل الشجر يتكلم
وتسبّح الأطيار
والبدر طالع غنـّى
للمؤمنين الجنه
للمشركين النار
الله حي وقادر
نصر النبي اللي مهاجر
لمدينة الأنصار
مبدأ تاريخ الهجرة
المعجزة والعبرة
كل الليالي نهار

كان الظلام مستبد وله شهود أشرار
وله طغاه ينحتوا له من الجبل أسوار
وله سلاسل بتضرب ع اليتامى حصار
وله ستاير وله كهنوت وله أسرار
كان الظلام منتشر زاحف غويط حفـّار
حتى في ماء العيون حتى في لهيب النار
إلا وهاجر تقول قلبي على اولادي
تمد نظرة تطول الشمس في الوادي
نور التاريخ استهلّ بهجرة الهادي
أقرب مكان للسما من الأرض كان الغار
أقرب طريق لمدينة الأنصار
هتف النهار اللي سمّع ألف ألف نهار
وهتف نهار استعاد حطّين من العادي
ونهار عبر من بلادي البحر لبلادي
هتفنا الله أكبر والظلام انهار
علشان باحب النبي

وعشان باحب النبي ولإن زيادة الخير خيرين طبعاً؛ هذا تسجيل نادر لداغر والمرحوم الشيخ محمد عمران (يا من بهديك أفلح السعداء)    ء

المرجحة والزحلقة
ليهم معاني مبحلقة
فلسان وغاوي الشعلقة
وآدي النتيجة

أرابيسك ناقصه المعشقة
والذكريات متبعزقة
أنا قلت استحمل بقى
وآدي النتيجة

يا واقفة بتعدّي النجوم على الطريق الصحراوي
يا ضحكة.. ياا بنت هموم
البحر بيداوي
وانا معدّاوي على ضحكتك مقدرش غير اضحك
وانتي بتداري على دمعتك
تاخدني تنشيجة
وآدي النتيجة

البنت معرفهاش لكني باعرفها
في عنيها.. إنها عارفة
إني باعرفها
احنا اللي سابق معرفتنا قديم
أرواح بتتسابق
ونديم يطيب لنديم
يادي النعيم..
ويادي الحزن
تحويجة
وآدي النتيجة

متعبّينيش غنا في شريط
تنسيه في دواليبك
لو كان غنايا بسيط
هيلف ويجيبك
هيلف ويغازلك
وان كنت مُعتزلك
تبقي انتي واحة بعيد
تبقي انتي آخر الطريق
اللي مالوش آخر
اللي مالوش سكة
لون السما ساخر
والضحك في السكة
حاجزاه إشارة مرور
مستني لون النور

والشعر للتنويه
بيصدّر القافية
والبحر للتمويه
غطسان في تمويجة
وآدي النتيجة
 
13 يناير 2007

لا تشبُكيني والنبي

فإنّ لي قلبٌ صَبي

يحلو له مرحُ الغرامِ

لكنه.. مُــتـقـلـبِ

لا تشبُكيني والنبي

لا تشبُكيني في الهوى

اخضرّ قلـبي فاستوى

ولا من زرع ولا من روى

غير عطشي وانتي بتشربي

لا تشبُـكيني والنبي

لا تحرمي صمتي السكونَ

وتـُجهدي فيّ الظنونَ

فقد يكونُ العلمُ مُـشــْقِ

والعشقُ علمٌ غـَيـــهبي

لا تشبُكيني والــــنبي

ولا انتي لما..

وانا لما كنتي

تنفض لمّة..تطرح جنينتي

تلمي انتي كلامي كله

يتلموا تاني وتهربي

لا تشبُكيني والنبي

ليست بيوتٌ بل هيَ

مترادفاتٌ مُلهية

ياللي انتي هيّ ومش هيَ

أي الضمائرَ ترغبي

لا تشبُكيني والنبي

(لا) تنفي والثابت مفيش

جزمي بـ (لمْ) مهمّنيش

وباعيش في دواراية سكون

فيا تسكني.. يا تغرّبي

لا تشبُكيني والنبي

31  ديسمبر 2006

أنا تهت فيه

وبقيت في غاية لاندهاش

ولا لون ثبت

ولا قلب باش

ولا حب كان يغسل أكثر بياضاً

أو خضاراً أو صفاراً

أو لون مشمشي هادي

هتلاقي بقعة لطيفة

عادي

بقع الحياة ماكياج

يا صوف الأضرحة المبلول

غَسول عنيّا لونه اخضر سندسي

داريني وانا بابكي يا عيني واحرسي

خللي اللي شافوا يقولوا

ما شوفناش

بعد العياط

ألعب في حوش الانبساط

والراحة

واشوف كويس قوي

كأي عيّل ع المعاش

وابقى في غاية لاندهاش

28 ديسمبر 2006

لا أوْحَشَ اللهُ مِنكَ يا شيخ ممدوح
لا أوْحَشَ اللهُ مِنكِ يا روح بتروح

أنا مش هاعتــب عليـــــك
عَـــدَم غُنـاك في الفـــــرح
آديـك مشــــــــــــــــــــــيت
ومجـــــاش معــاد الـفــرح
يــادي الفــرح لو جــيــــت
مين اللي صوته يفــــــوح
وَجْد وغــَـزَل..تنكيـــــــت
عشق وطرب مشـــــروح
لا أوْحَشَ اللهُ مِنكَ يا شيخ ممـــــدوح

في الفجر من رمضـــــــان
في ســـاعـــة التـسـابيـح
صوتــــك يـِرُج المــقــــام
بتلاوة وبتواشيـــــــــــــح
بنعــــــرفه على طــــــول
في آخــــــــر الأذكــــــــار
سبت الـــدُعــــا تذكــــــار
حِسّك مكانـــش خجــول
حِسـّـــك مكانش صريــح

تلـِّــجت من رعشـتــُـــه
والناس كما أنســـــــام
وانت على حضرتــُــــه
تــَـــدعو صـلاة وسـلام
وانت مِدوزن مـقــــــام
الراحــة في التراويــح
زيْ اللي ناوي يـــروح

لا أوْحَشَ اللهُ مِنكَ يا شيخ ممــــــــــدوح

روّحت سايب في بـالي لـيالي الطبطبة
وانا كنت عيـــــــل باردّد
ليه "يا نسـيم الصَـبــــا"
مـِـصــاحب الصُحبـــــة
وموّنــس الأغـــــــراب
لـــيه انت تحـديداً
بتودّنــا شجـــونك

وتتريق..
على ضلمة عـيــونــك
وروحـــــــــك الأشطر
تتـــــجلى بينهم غرام
وقلـبــــــك الأنــْـــــوَر
كَفّاك غُـنــاك يا كفيف
كَفّاك غُـنـاك يا شفيف
وف زهوة التـصقــيف
تتهز من عــُــــــــربة
تزعق كما درويــــش
ما نحســـــش الغربة
الله علــيـــك يا احمد
تسلم ايديك وتعيــــش
حبـيـت ما بينكو السهر

الفتــّـة يا ام عُمـــــر
السيكا يا أنغــــــــــام
ريحة بنفسج في صوتك
فينك يا شيخ عـُمـــــران
قد حـــــــــان آذان الفجر
وقد شـُـــفي المجـــروح

لا أوْحَشَ اللهُ مِنكَ يا شيخ ممدوح

وتنفرط من السبحة كمــــــان حبـّة
مكنتش قادر تستنى يا الزمان حبـّة
تستنى مـيـــــــــــــن
واحنا المستعجليــــن
واحنا اللي بـنـــروّح
من غير معاد واضح
من غير وداع مُرضي
بـقيـت بتــاخد روايح
ومعادش فـيك تــــدّي

أيا زمن
دعنا لنتلو ما تيــسر
من أحسن القَصَصْ
نتملــّى اكــتـــــــــر
في العيون والقِصص
دعنـــــــــــــا لنـشـدُو
في ذكرى قلبٍ شَخَص
وفــــــــــــــازَ بمـحبة
ما كنتش قادر تستنى يا الزمان حبـّة

وانت يا والــــــــــــدي
بتكتب غنوة لاصحابك
تطاوعك الـقـــــــــافية
وتفيضي يا أسامـــــي
زرعتها في قلبـــــــي
بقــْيــِت على لسانــي
"اسمه عبده..
اسمه سامي
اسمه من بين الأسـامي"
راحت ليالي زمان

خيرٌ من الأحـــــزان
ذكرى تــَعودُ الروح
لا أوْحَشَ اللهُ مِنكَ يا شيخ ممدوح

 القصيدة مسموعة

عمر 22 ديسمبر 2006

يعني انت مثلاً تروي الرواية

تطرح حدايا

أو انا مثلاً أحكي الحكاية

فيغمض الشباك

وهكذا

وخايف اموت قبل ما اقابله في المنتزة..

صدفة

أو في واحة الدرة الناشفة

أو في أي بلد من بلاد الله

عموماً يعني لو أنا مُت

قول له أنا فُت ملقتهوش

وقول له يبني لي بيت

ويكتب عليه: بيته اللي مسكنهوش

ويسد بابه بمراية

لإني خايف جداً

يحصل لنا زي اللي حصل في الرواية

بيقولك معايا اللي بان واللي

واللي لسّه

وبيقولك هربْت في قطر كان قبلي

لا بيبـــحّر ولا يرسى

وبــــيقولك انا مقدرش

ما احلمش بيك معايا

وبيقولك ما تستخسرش

تحلم معايا بيك

ولو قتلوا المراكب والصيادين

ورشوا سوق السمك نفتلين

وخبوا البحر في نقاية

ما تستسلمش..

لإنه صدقني

خايف يحصل لنا زي اللي حصل في الرواية

ولا حد بيفتكرها

ولا حد فكّرها

طب مش يمكن تكون حاجة في الهوا أو الميّا

أو ان السبب

يطلع في الحكومة الوحشة قليلة الأدب

ولا يكونش الفرق بين التوقيت الصيفي والشتوي

يمكن ما يمكنشي

يمكن ما يمكنشي

هو إيه الحكاية

دي الحكايات عمّالة تتمنظر بتكرارها

ولا حد بيفتكرها

ولا حد فكّرها

طب مش يمكن..

عيِّل..

ماشــي و دراعـي

فى كـــف ابويـا

لكن عنيّا في ألف منظر

مصاحبة نور الفترينات

وودانى بين السماعات

حافظة أغاني الاعلانات

وعــــارف امتى..

ابدأ أعيّـــــط

وامتى اتنطط و اهلل

عيِّل..

باحب ده علشان باحبه

و مابكرهــــوش..

حتى لو كان مش جميل

و لسّــــه وشّى..

محتاجش لرتـــوش

و لسّه قــــلبي..

ماحتاجش لــبديل

باحلم بنفسي طويل طويل

واما يجينى نعاس باميِّل

عيِّل..

بابني البــــيوت..

من مخدات الصالـون

والعب مع بنت خالي

عــروسة و عريس

والعب حرامية و بوليس

كائن ماليش ف العكننة

و ماحبش الأمر الغليظ

و قلبي يبدأ لارتعـاش

لما الســما تبدأ تليّل

عيِّل..

عمرى ما حسيت بالملل

حتى فى أوقـات الزعل

حتى ف أوقـات الملل

عمرى ما حسيت بالملل

و كل لحظة تعــدّي

يتخزن شعــــور..

و كل ريحة و كل صوت

ما رحتش من مناخـيري

ريحة البارفانــــات

ولا راحت من عنيّــا

أشكال البيــــوت..

حُـــضنك يا ستـّي

لحن مالهـوش أى صوت

شوقي للأفــــراح

تواتى..

صبري ع الأحــزان..

تفوت

أنا عايز اشــــوط..

كورة

واجيب مليــون هدف

عُـــــمري اتحدف

لكن ف لحظات بابـقى..

عيِّل..

من ديوان : أسباب وجيهة للفرح

فوتوغرافيا: مصطفى أحمد

مخبيش عليكي يا شمعة

يا ساكـتة مش والـــــعة

إن الـــــــــــــــودع كداب

وان الـــــــــــــوجع قلاب

بارد كما أغــــــــــــــراب

دافـــــــــــــــي كما دمعة

وفي الحـــــقيقة يا شمعة

مالــــــــيش انـا دعـــــــوة

بـــــــلون صدا في سـحاب

أو صوت غنا في انسحاب

أو روح تدق ابـــــــــــواب

وروح ماهــــــيش سامعة

ما اعرفش غـــــــــــير إنك

بـــــاردة وقــــــــــــدّامــــــي

ما اعرفش غــــــــير ريحتك

سارحــــــــــــــة في أنسامي

غـــــــــــــــــــــــير حُب خلاكي

سجنــــــــــــــــــــــي وشباكي

غير انهيـــــــــــــــــــــار باكي

في ضحــــــــــــــكة مصطنعة

خلليكي منسجمة

جميلة مش أكتر

يا شمعة يا لافندر

يا شجوني مجتمعة

عمر

3 ديسمبر 2006

أنا وضلّي وشمس ورايا
وبحر فضل لي بعد السفر
وكون بيتفرج عليّ باخد الأنفاس
بعيدة بعيدة يا مركبة وحيدة
قريب قريب يا ضلي الوحيد
هناك حبيبين..
بيتونسوا بسرقة زمن
وهناك زمن..
بيتسلى بسرقة ناس
وكون بيتفرج عليّ باخد الأنفاس
وعمري سايبه في الهوا
ينشف من الميّا
وروحي تنزل الميّا
ولا تتبل
وانا لوحدي
أنا وضلّي وشمس ورايا
وبحر فضل لي بعد السفر

عمر
اسكندرية 17 نوفمبر 2006

مكــــــان ما كنّا

ساعـــة ما جينا

زادت ظـنــونــنـا

خـُـفـنا وجــــرينا

وأديــنا تـــــاني

مكان ما رُحــنا

بنعزي روحـــنا

فصّلنا م التفاصيل مراية

نشوف ف رؤية

طعم الحكايــــة

نـــدوق ثــواني

ولــــــون بعينه

وفينه ياللي بيني وبينه

مزازيك سماعي

وبدون دواعــــي

نطير شراعـــــي

ونعوم فراشـــــة

لكلام تحاشــــــى

يسكن قلوبـــــــنا

لكـــن آسرنـــــا

مفضلش غيرنا

فوق البسيطــة

بتـفــتـكرنــــــا

حاجات حويطة

فضلت مكاننا

صاحية وكانـّة

مكان ما كُـنــّا

ساعة ما جينا

عمر

20 نوفمبر 2006

أحمد خالد/" لم أتعلم كيف أحتفي بالحقيقيين من أمثالك، لكني أعرف كيف أحبهم" عمر

مختارات من ديوان أحمد خالد (أخلو من محبتها) ء

(1)

لا تتركني وحيداً

فكثيراً ما يموت المرء

دون أن يدري..

لمجرد أن الحياة

لم تزل باقية

(2)

في نهاية شارع

سحبت الشحاذة يدها من الفراغ

وتذكرت..

تذكرت ملمس يديه

حين واعدها لأول مرة

في نهاية شارع

(3)

بعد قليل

ستدرك حبيبتي

أن كرة من الدم كقلبي

غير صالحةٍ

إلا كبقيةٍ نائية

لتكتشف الذئاب أنيابها

بعد قليل..

ستبيع أمي

أوانيها القديمة

وتنسى.. طفولتي

بعد قليل سيسقط من روحي

أطفالي القادمون

ليسخروا من الملائكة

متخذين موقفاً نهائياً

من الحياة

بعد قليل سيترك الموتى.. أسماءهم

فوق جلدي

ويعبئ الكناسون.. تفاصيلي

وربما..

يتركونها

لتلوث أحذية العابرين

(4)

ثمة من أحبهم بلا سبب

لعل الأسباب تجرح

لعلها إن بانت

تصير تفسيراً مراً

لوجود كاذب

حبيبتي..

حينما تصبحين بعد عشرين عاماً

مجرد طفلة فقط

سيصير للأسباب

وجود عذب

(5)

أخلو من محبتها

ولم أزل أرتكب روحي

لم أغلق باب حجرة بعدُ

ولم أدرك.. عدالة الجروح

كل شيء صار بعيداً

ولا ضفة أخرى

لأرى

كيف تعود الأشياء إلى مكانها

ولا يوجد زمان كاف

لنمارس حتى نسيانها

ونكبر مرة أخرى

ربما كانت ابتسامة

هذه العزلة

التي تفرقت إلى.. أشكالها

أي وجود انفلت

بلا مرارة على كبدي

لا تسع المرآة طيفاً غائباً

ولا تشُف الذاكرة عن سواها

حين أتشابه على نفسي

سأحتج بالحرقة

وأطلق الأسى

وأي معنى سيكون نهائياً

لا تـُرتـَب الأنفس

على موائد الخمر

وما يبين في خلوة الليل

صوتي القديم

كنا معاً بالصدى إذاً

كنا معاً

(6)

الحقيقة.. إلى جانب ربها

وما وطئ الموتى من خيال

والرحماء..

يرعون ما نُسي من ذكريات

وقولها:

وإن نأيت عنا طيفك غالب

جُعل الفؤاد لما لا يُرى

وقولها: لمَ نجزع من الفراق

إنما الأرض لم ترحلِ

والليالي التي لم تدرك أيامها

وما بكيته مرتين:

وأنا قائم على السكرة

أو مغادرٌ لما لها

فماذا أصنع بالحياة

إن لم تكن هناك حانة تفسر موتي

(7)

في المناطق الشعبية

تضيع المأساة في رائحة السمك مثلاً

ليس هناك فرصة

لتخليص الحكمة من الدمع..

ولا فراغ لتأمل طفلة بلا أب

اليتم زحام موحش

والإيمان.. يسكن وحيداً

أحمد خالد

يااااه

لو ينسى الشارع يااااه

والبنت تسافر جوّاه

مجنون لو صدّق إحساسه

إنه مخطوف أو تاه

والحلم الأخضر يتبخر جوّاه

أنا شايف القمرة بتحلم وتفكر

وحصان بيحن لطعم السكر

وسنين بتمر في لحظة صدق

ترحل لبعيد والغربة مداه

ياااااه

نزلوا الغنوة

جميع الحقوق محفوظة لفريق جميزة

ولا سألت عنّي ولا أرسلت رسلاً
تجوب شوارع العــــــشاق تتبعني
وقد رأيتُ الصعبَ في حـبها سهلاً
وما أفقتُ وكاد الموتُ يصرعُـــني

وما أبرئ نـــفسي من مـــــحبـــتـها
فالعشقُ نورٌ يضيءُ الروحَ والجسدَ
تهيمُ روحي فرحاً في رحــــــــــابتها
أفنى بها وأعـــلن أنّــــي لا أحــــــدا

أنا لم أقل بأن العــشقَ أمنـــــيتي
وقد عشقتُ فماذا يكونُ من أمري

شعر إياد أبو بكر
لحن عمر مصطفى

أغنية "لبنان غُناكي رجع" من آخر حفلة لجميزة الشهر الماضي في الساقية

شعر ولحن: عمر مصطفى

أداء: نورا وتميم

توزيع: جميزة

رابط الأغنية في نهاية البوست وجاري نشر أغنيات أخرى لجميزة تباعاً

في الصيف تمطر وجع

الأرض تطرح وجود

لبنان غناكي رجع

يوسع الدايرة

يهدي قلوب حايرة

طريق لحياة

بكرة الشتا يمطر دفا

على اللي باقي م الأحبّا

يحضن خطاويهم المرهفة

ويدوّب الأحزان

تسكن غناوي الأمل

وطن مالهش حدود

وترجع اللي تاه

لبنان غناكي رجع

يوسع الدايرة

يهدي قلوب حايرة

طريق لحياة

خللوا الصور في القلب

والحب سيبوه مكانه

دقوا طبول الحرب

ع اليأس والفُرقة

ووزعوا الحكايات

على كل أراضينا

م الأطلسي للفرات

على مين يعادينا

وتعيش يا وطن الأَرز

تبقى يا صوت فيروز

كل الطرق بتجوز

لو للجنوب واخداه

لبنان غناكي رجع

يوسع الدايرة

يهدي قلوب حايرة

طريق لحياة

نزّل الأغنية

جميع الحقوق محفوظة لفريق جميزة

المدينة الصبح بدري

الشوارع لسّة فاتحة

والمدارس لسّة فاتحة

المحلات..

والحواري

والمجارى

بلكوناتها.. بواباتها

والعيون لسّاها فاتحة

في المدينة الصبح بدري

في المدينة الصبح بدري

العجل ساير وداير

والسجاير..

مالية قلب الميكروباص

والكتب فوق رجل فاطمة

والعينين مليانة ناس

والحناجر لسة عتمة

والإيدين..

بتجس نبض الأمنيات

في المدينة الصبح بدري

في المدينة الصبح بدري

تسبق الرجلين طريقها

والشوارع مش ملاحقة

مــش مـوافــقــة..

والطريق مع إنه واضح

هاجس المجهول مقاوح

واللي جاى مع اللي رايح

كـلــه ســايــح..

فى المدينة الصبح بدرى

في المدينة الصبح بدري

العصافير من كرمها

لسه بتزقزق وتسرح

رغم دخان المصانع

والعوادم والتراب

رغم تلاجة مشاعر

طالعة من ورا ألف باب

إنهيار ساقع وهادى

لحكايات عمالة تجرى

واغتيال الصبح عادى

في المدينة الصبح بدري

أنا

زمان زي اليومين دول

أجيالٌ تهبطُ ، أجيالٌ تصعدُ في كل شروقٍ وغروب
وشهودٌ في حلقاتٍ يمضون الى آلهةِ الموتى بقرابينِ الأحياء
فاذهبْ واسألْ هذا النائمَ في سفحِ الجبلِ الشاهق:
ماذا تفعلُ في عاصمةِ الشيطانِ هنا؟

أيُّ خرائطَ تملكُها في هذا الطوفانِ ، وأيُّ طريقٍ تسلُكُه،
إذ لاعودةَ بعد لآن

إذ كل جسورِك فوق البحرِ طوتها النارُ ، وآثارُك في الوادي
مسحتها الريح؟

قلْ للقابعِ في كهفِه،
متروكاً للوحدة والنسيان:
إنهضْ لترى وجهَك في مرآةِ الحجرِ العمياء
إنهضْ من نومِك واطلقْ صرختَك المكتومة
صرختَك المرةَ في الأذنِ الصماء

مرآة الحجارة شعر: بول شاؤول، لحن وغناء: كاميليا جبران

استمع

غنيوة في الكشك الخشب

في الدنيا البلاستيك

غنيوة لون الفضة

مش لون الدهب