االوراق ,هو مش القصد منها الوراق بس, بس للاسف بعد اللى اكتشفته ان هى دى مصر اللى احنا مغميين عنينا عنها.

قبل منزل الوراق, كنت محاوطه نفسى بمجموعة ناس معينة نقيتهم وكمان فى مناطق معينة. مش علشان انا كنت اقصد اعمل كده, بس اللى اكتشفته انى كنت بعيدة علشان المجتمع ده اوالمنطقة كلها عاملة حاجز او زى سور نفسي واوقات كتيرة كمان جسدى فى انهم ميقربوش لأى حاجة مختلفة عنهم. وبالتالى كل اللى براه مش فاهمينه اوى أو مش مختلطين بيه.

فالأول كان الموضوع مختلف وهنزل اشوف وافهم الناس دى اوالمجتمع ده بيفكر ازاى. وبما انى نسوية ومتفألة اعتقدت كالعادة انى ممكن افرق, او اغير حتى ولو 1% من افكار شخص واحد بس وده كان هيبقى انتصارى الشخصى اللى دايما بكتفى بيه.

الموضوع مخدتش وقت كتير على مخدت بالى ان الناس دى بتعمل كل حاجة بنظام كده مبيتغيرش كتير وبتقعد تعمله لحد متموت.

أولها القهواوى اللى عليها رجالةمن جميع الاعمار, مفيش اى حاجة فى حياتهم غير الضحك والقهقهة وفى آخر اليوم يضربوا المخدر اللى بياخده سواء محدرات حقيقية او ادمان دين. وبعد كده يروحوا لستتاتهم اللى 3/4 منهم بيتضرب وبيتهزق وكمان مش من حقه انه يشتكى.

قعداتهم رجولية بحت وانا دخلت بالعافية وكنت البنت الوحيدة وشفت بعينى ان الكلام لا يفيدبالمرة. والقعدة كلها بتبقى كالأتى:

  • شفت انا عملت ايه؟
  • ايه يا عم الفاهم فى كل حاجة !
  • هاهاهاهاهاهاهاهاهاهاه —– القعدة كلها تستلمه تريقة 15 دقيقة. وبعد الفقرة دى
  • انا عملت كذا كذا فالشغل وطلعان عين امى وابويا واختى واخويا فى كل الأوقات
  • والله يا عم محنا قلنالك وانتا مبستمعش الكلام , اعمل 1و2و3
  • ايه يا عم الفلحوص ده!!! الحق يا عم الاهبل ده
  • هاهاهاهاهاهاهاهاههاهاهاه- يستلموه كمان 30 دقيقة

طبعا مع فروق انواع الشتيمة… بس عامة القعدة كلها مافيهاش اى شىء ليه اى لازمة او حتى معلومة جديدة!

وبتنتهى بقصص اشخاص تانية و3/4 من القصص دى فعلا تخض! ومش عارفة مين مرحش فرح مين وده مخاصم مين ومين كان ارجل واحد فالكون وضرب مش عارفة كام واحد!

حتى لو افترضنا ان القعدة دى عادى يعنى واكيد ليها اهمية فى اى حاجة للوجود.

للاسف اجابتى 0.. غير ان تفتكر ان الناس دى بتقضى تقريبا 70% من وقتهم مع بعض ا فعلا عارفين بعض وحتى بيقفوا جنب بعض.

للاسف الأجابة تانى لأ.. طبعا معظمهم مش كلهم مستنيين اللى جنبهم يقع بس علشان يعرف يقول انا احسن اهوه يا ماما – ماما هى حبيبة الرجالة هنا , ومع الأحترام الكامل لكل الأمهات طبعاً- بس للأسف كلهم عندهم عدم رضى مش طبيعى عن وضعهم وفى نفس الوقت ماشيين   على نهج الجيل القديم بكل قراراته الخطأ وبيتمنوا لبعض الأسوء علشان يبقى شكلهم فالمجتمع اللى حواليهم معقول أو مقبول.

بغض النظر عن القعدات , بس لماحد بيقع فيهم فى مشكلة, زى أدمان او سجن أو حتى مشاكل عاطبفة وأسرية مبتلاقيهوش لاجئ للناس دى!  بالعكس هما بيهربوا من بعض علشان فلان مينفعش يشوفه كده أو كده. وده فعلا بيأذيهم هما اول ناس, عزل الناس اللى محتاجة مساعدة .وعدم الكلام بيأدى غالبا لنتيجة أسوء

90% منهم بيوتهم مدمرة تماما. هو ميفرقوش كتير عن المستويات المختلفة فى مصر, بس فى فرق واحد اللى أخدت بالى منه منتشر بشكل اكتر هناك, انهم فعلا جعانين فلوس. للاسف مافيش اى حاجة عايونها او بيطلبوها اكتر من الفلوس والجنس

جوع الفلوس ده ناتج علن عدم الأستقرار المادى اللى البلد بتحطنا فيه. بمعني ان علشان مصر فعلا كل شوية تروح بلياك بمصيبة, وبالنسبة للطبقة دى الموضوع اضعاف اضعاف, لأن اصلا مافيش وعى ولا صحى ولا عقلى ولا نفسي عن أى حاجة فده مبيحسنش طبعا حالتهم بل بالعكس بيزود عدد البلاوى اللى بتنزل عليهم

يتبع…..